Secretária Estadu Formasaun Profissional Empregu (SEFOPE) liu husi Diresaun Nasional Empregu Estranjeiru (DNEE) hakarak fo hatene ba Timor Oan sira ne’ebe iha interese atu tuir Kursu lian Korea oras ne’e dadaun Sentru Kursu Lian Korea (KSLP) iha Bekora loke fila fali rejistu online ba etapa daruak ne’ebe sei realiza hahu iha: loron 03-05 fulan Setembru tinan 2025. Nune’e husu ba sira ne’ebe iha hakarak atu rejistu bele hare kriteriu no regra sira KSLP nian iha kraik.

Favor le’e ho atensaun buat hirak ne’ebé importante hanesan tuir mai:

1. Kriteria Rejistu:

• Sira ne’ebé prepara hela atu aplika ezame EPS-TOPIK;
• Sira ne’ebé prontu atu tuir aula no regra husi eskola KSLP;
• Sira ne’ebé bele le’e no hakerek lian Korea, no liu ona nivel baziku.

2. Oinsa Bele Rejistu:

Bele rejistu iha link ou website ne’ebe fo sai iha avisu ne’e.

• LABELE UZA asentu ka letra portugues wainhira prenxe naran kompletu:

Ez) Conceição (X) → Conceicao (O)

3. Total kandidatus ne’ebe sei halo selesaun maka hanesan:

• KSLP sei simu deit kandidatus rejistrasaun online ba teste ho total rihun nen atus tolu (6,300) ‘primeiro a chegar’.
• KSLP sei halo selesaun ba estudante ne’ebe sei pasa iha teste ho total: rihun ida atus nen lima-nulu (1.650) ne’ebé mak pasa teste.

4. Konfirma ita nia data, oras, no fatin Ezame iha: 10/09/2025

5. Ezame: 15-18/09/2025

6. Rezultadu Teste taka sai iha: 25/09/2025, iha website ou Facebook SEFOPE

7. Hahu Aula: 01/10/2025 (Kuarta-feira)

8. Favor Lori Mai: Kartaun identidade, fotokopia kartaun identidade tahan 1, lapizera

9. Kandidatus sira ne’ebé mak mai iha ezame fatin, tenki lori ho kartaun identidade orijinal no foto kopia tahan 1 ho lapizera, no hein iha kampu eskola sorin (SEFOPE Becora nia sorin) hodi tuir ezame iha salaun ezame iha eskola laran.

10. Wainhira tama iha salaun ezame laran, kandidatus sira tenki tuir formadores no staff sira husi KSLP.

11. Labele lori tama pasta no telefone iha fatin ezame nia laran. Staff sira sei diskualifika kandidatus ne’ebé kopia malu ou la kumpri regra durante teste.

12. Estudante sira labele kontinua aula se karik falta liu dala 5 la ho razaun justu durante fulan ida nia laran.

13. Ema ida bele rejistu online dala 1 de’it – labele rejistu empresta ema nia naran ou rejistu dala 2 ba leten.

14. Kandidatus ne’ebé husu ajuda ba ema seluk hodi atende ninia ezame sei tau naran iha lista blacklist ba tinan 5 no labele tuir klase iha KSLP.

Nb: Sira ne’ebé pasa tiha ona EPS-TOPIK, hein hela kontratu ka prosesa hela dokumentus iha SEFOPE LABELE aplika iha rejistu online – sei iha desvantajen karik detekta husi sistema ou iha ezame fatin.

1ª Selesaun ba tinan 2026 sei realiza tan iha Marsu, no hahu klase iha Abril

Click hodi haree avisu detaillu:AVISU KURSU LIAN KOREA

Click hodi haree informasaun registrasaun  https://sefope.gov.tl/epstopik

Click hodi registu direitamente iha link https://sefope.gov.tl/epstopik/applicationform/

Dili, loron 03 fulan Setembru tinan 2025

Sr. João Correia Pereira

Diretur Diresaun Nasional Empregu Estranjeiru