Secretaria de Estado da Formasaun Profissional e Empregu (SEFOPE) Liu Husi Diresaun Nasional Empregu Estranjeiru (DNEE), fo hatene ba Sentru Formasaun LIAN KOREA ne’ebe maka hatama ona lista estudante mai iha SEFOPE – DNEE bele hare Orario Registu iha Pagina Facebook ou Website DNEE nian. Husu ba Sentru Formasaun sira atu Lori estudante sira mai registu tuir Orario ne’ebe maka DNEE fo sai ona . Husu mos ba sentru Formasaun sira hotu atu delega ita bo’ot sira nia staf kada sentru ema nain tolu (3) hodi akompanha ita bo’ot sira nia estudante mai registu. Fo hatene mos ba sentru Formasaun hotu fo avizu ba estudante sira atu labele haluha Dokumentus sira hanesan tuir mai ne’e:

1. Foto koloridu 3×4 tahan 2 (Background mutin)

2. Foto kopia passaporte ou Eleitoral tahan 1 (koloridu)

3. Osan $ 28.00

Fatin Registu : SENAI BECORA

Informasaun :

1. Karik passa foti Area Fabrika (kuota):1100

2. Karik Passa foti Area Peskas (kuota) :660

3. Industria ne’ebe maka iha : Fabrika no Peskas deit

4. Hahu husi loron 6 Fulan Maio to’o Loron 9 Fulan Maio 2025 sei hala’o Registu Jeral ba  sira seidauk registu iha Sentru Formasaun

Click hodi hare sentru naran no data registu: 

ORARIO REGISTU SENTRU 2025

[붙임2-2] Implementasaun Rekrutamentu Sistema Pontu ba dala 8 ba Traballador Estranjeiru iha Timor Leste

Request Form

Notice for Exam 2025

Maka ne’e deit ba atensaun no kolaborasaun lahaluha hato’o obrigado wain.

Dili, 24/04/2025

Maria Angela do Carmo Pires Guterres

Diretora DNEE Interina